木瓜

用木糠種的木瓜特別強壯，旁邊的白粉是石灰粉，趕老鼠，因香蕉下有好多蕃薯，引來老鼠經常掘蕃薯食！

由一粒種籽種到高過一個人，都要成年時間，期間不斷施肥灑水，否則就不敵害蟲紅蜘蛛破壞。而且肥料不足不但結不出果，就算結出果都會長不大，細細個就壞死。夠肥就可以結出好多果子來，而且又大又甜。

這個都算中size

勝瓜

勝瓜都好容易種,同青瓜差不多

右手的一條可能已被蟲咬過,有少少黃

本地南瓜

有人稱本地南瓜做蕃瓜，廣東地方叫金瓜或地瓜。長形金黃色，好粗生，需要好多肥。唔知點解，南瓜特別多蟲蛀，約手指公頭大就有蟲光顧，今日取了一隻已壞的南瓜，撕開後發現好多蟲在那個已枯死了的南瓜內，毛骨悚然！







啊婆話金瓜要在地種，所以又稱地瓜，讓它可以無限伸展，生長得更旺盛。可惜地方有限，避免被千殘腳踩死，最好都是加建瓜棚，向高空發展。而且又可以增加通風效果，有助減輕蟲害情況。

大家睇睇，這條金瓜原本好青好健康，但未趕及包好膠袋，就被蟲咬了，現在開始變黃了，應該玩完！



用膠袋包是又是在綠田園網站學的，果蠅不喜歡黑暗地方產卵，可減少蟲害影響。去大澳時見人用膠袋將所有在棚上的瓜都包好，但有時未趕得及包膠袋就已經被蟲咬了。

最近同一位在內地開有機農場的人傾談，他教少少農藥是需要的，在"打仔"結果時要落藥，否則成功率好低。我真的試過，成功率是零！所以都要試試在結果時落少少藥，而且要在被蟲咬之廿前落，否則都無用，之後就無須再落，用蒜頭辣椒水就足夠了。

經過一輪檢視後突然發現有一條已長得像水樽大的，終於有啦！瓜越大就越少害蟲問題，可能好似人一樣， 抵抗力較強吧！

真係好開心，希望長得大啦！

香草篇

買來一包香草種子,好易種,好香,尤其是薄荷葉,好似綠箭香口膠,做沙拉一流.

第一次種豆角

春天其中一樣好種易種的是豆角, 原來豆角好似藤一樣, 不停打轉依住竹支向上爬, 豆角花好特別,好似有個包,再變成花,最後就變成豆角,生命真是奇妙,神的創造真偉大,不如一齊睇睇生長過程

收了三條來炒蛋, 好香好好食, 新鮮無敵!

超甜粟米

第一次種粟米，好開心。初初出苗時好翠綠，但一晚好大風，全部被吹斷了。將吹斷部份切走讓它再生過，但長得較細。而且第一次種，不知要格幾遠，有時啊婆話太密，有時又話太開。慢慢知道約一尺左右，當然越開越好，但地方有限，optimization 精神，最有效的距離約一尺就既不會太密，又不會浪費地方。

又有人話粟米好容易有蛀牙蟲，你知一株粟米頭頂是雄花，雌花其實就是所謂的粟米芯，會在葉邊慢慢長出，一株值物雙性，自然受孕。當雄花開到45度時就要剪去，10株剪7株，總數 2/3。我就留一株，其他全部剪走。

第一次收成的青瓜(黃瓜)

好大條，我都忘記種了多久，由播種計，約兩至三個月左右，但若有仔，就只需一兩星期就可以收，否則就老了 ,但何謂老就未董得分辨。

自製蒜頭辣椒水效果真係一般，噴了都有蟲害？所以有高人話初初有仔時要噴少少藥，否則好難大，一定食光。真係明白若農民真的靠種田過活，一定餓死。難怪他們會選擇用農藥，又不用有機，用化肥真係好快大，而且生得好靚，用有機肥真係比下去。

但外貌不好看，內在美實在不同。用有機雖然生長速度慢，不好看，但質素就兩回事。有機種的瓜菜不單鮮甜，而且瓜味濃郁，菜味香濃，再加上即摘即食，鮮甜有味，無得比，慢都值得。

新西蘭車厘茄

今年年初買了一批新種子預備春節後播種培苗，其中買了新西蘭品種的車厘茄，不同地方都放了些種子，夠健壯便重新移去新盤，起初將六株放在一個中型發泡膠箱內，但一日大過一日，開始發現沒有足夠空間生長。

後來約了幾位同事來做農民義工，合力將蕃茄重新移位，兩株一個發泡膠箱，若膠箱足夠，最好一株一個箱，一了百了。


定時追追肥，噴噴蒜頭辣椒水，真係大得好快。師傅教落，格梳一點，少點害蟲，貴精不貴多，有道理。